தனுஷ் நடிப்பில் கவுதம் மேனன் இயக்கும் புதிய படம் ‘எனை நோக்கி பாயும் தோட்டா’. இப்படத்தில் தனுஷுக்கு ஜோடியாக மேகா ஆகாஷ் நடித்து வருகிறார்.
இப்படத்தை எஸ்கேப் ஆர்ட்டிஸ்ட் மோஷன் பிக்சர்ஸ் நிறுவனமும், ஒன்ட்ராக எண்டர்டெயின்மெண்ட் நிறுவனமும் இணைந்து தயாரித்துள்ளது. இந்நிலையில், இப்படத்தின் பர்ஸ்ட் லுக் போஸ்டரை படக்குழுவினர் வெளியிட முடிவு செய்துள்ளனர். அதன்படி, வருகிற நவம்பர் 27-ந் தேதி இப்படத்தின் பர்ஸ்ட் லுக் போஸ்டரை வெளியிடவுள்ளனர்.
கவுதம் மேனன் இயக்கத்தில் சமீபத்தில் வெளிவந்த ‘அச்சம் என்பது மடமையடா’ படம் பெரிய வெற்றியை அடைந்துள்ளதையடுத்து, கவுதம் மேனன் இயக்கத்தில் உருவாகும் ‘எனை நோக்கி பாயும் தோட்டா’ படத்திற்கு மிகப்பெரிய எதிர்பார்ப்பு ஏற்பட்டுள்ளது. அந்த எதிர்பார்ப்புகளை பர்ஸ்ட் லுக் போஸ்டர் நிவர்த்தி செய்யும் என எதிர்பார்க்கப்படுகிறது.
No comments